Səbəblər

Yuva divarlarının travması. Divarlar çox nazikdir və kobud çəkim onları zədələyə bilər. Sümük qırıntıları açıq yaraya düşüb infeksiyaya səbəb ola bilər.
Kifayət qədər steril olmayan şərait.
Zəif immunitet.
Həkimin tövsiyələrinə əməl etməmək. Məsələn, ilk günlərdə güclü qarqara etmək, siqaret çəkmək, yuvaya dil və ya əşya ilə toxunmaq.

Əlamətlər

Əsas şikayət ağrıdır. Əvvəl fasilələrlə gələn, yemək zamanı güclənən ağrı olur. Proses irəlilədikdə ağrı kəskinləşir, gicgaha, başın arxasına, qulağa, qonşu dişlərə və çənənin müvafiq yarısına yayılır.
Yuva qismən boşdur və ya içində parçalanan laxta var. Bəzən laxta ümumiyyətlə olmur. Sümük görünür və boz ərplə örtülə bilər. Ətrafdakı selikli qişa qızarır, şişir, toxunanda ağrıyır.
Ağızda pis (çürük) qoxu və ya dad.
Bəzi hallarda hərarət yüksəlir, regional limfa düyünləri böyüyür.

Müalicə

Həkim yuvanı təmizləyir (küretaj) və yuvanın konservasiyasını aparır. Bunun üçün pasiyentin öz qanından alınan PRF istifadə oluna bilər. Lazım olduqda dərman müalicəsi, o cümlədən antibakterial müalicə təyin edilir. Alveolitdən şübhələnirsinizsə, özünümüalicə etməyin.

Qarşısını necə almaq olar?

Çəkimi sterilliyə ciddi əməl olunan klinikada, təcrübəli həkimə etibar edin.
Çəkimdən sonrakı tövsiyələrə əməl edin: Diş çəkildikdən sonra.
İlk günlərdə siqaret çəkməyin və güclü qarqara etməyin.