Əlamətlər

Kista uzun müddət heç bir əlamət verməyə bilər və təsadüfən, məsələn, protezdən əvvəl çəkilən rentgendə aşkarlanır. Bəzən dişin üstünə basanda yüngül ağrı və ya kök nahiyəsində diş ətinə toxunanda həssaslıq olur. Müalicə olunmazsa, kista yavaş-yavaş böyüyür və ətrafındakı sümüyü əridir.

Diaqnostika

Rentgen, daha dəqiq qiymətləndirmə üçün isə 3D tomoqrafiya.

Müalicə

Konservativ: kanallar müvəqqəti olaraq kalsium hidroksid əsaslı müalicəvi pasta ilə doldurulur və nəticə rentgenlə izlənilir.
Cərrahi: kanalda ştift olduqda, dişin üzərində qapaq və ya körpü olduqda, kista böyük olduqda, kökün perforasiyası olduqda və ya kista tez-tez irinlədikdə. Kök ucunun rezeksiyası və ya kistektomiya aparılır. Dişi saxlamaq mümkün olmadıqda diş çəkilir və kista çıxarılır. Uyğun hallarda eyni seansda implant qoyula bilər.

Digər kista növləri

Üz-çənə nahiyəsində dişlə bağlı olmayan kistalar da var, məsələn, dermoid kista. Onların diaqnostikası və müalicəsi üz-çənə cərrahının işidir.