Sümük plastikası (augmentasiya)

Sümük niyə azalır?

• Diş itkisi. Diş çəkiləndən sonra sümük çeynəmə yükü almır və tədricən əriyir (atrofiya). Sümük həm hündürlükdə, həm də endə azala bilər.
• Paradontal xəstəliklər və infeksiyalar.
• Travmatik çəkim. Çəkim zamanı yuvanın nazik divarlarının zədələnməsi.
• Kistalar və uzunmüddətli iltihab.
• Zədələr, şişlərlə bağlı sümük itkisi, anadangəlmə üz deformasiyaları.
• Yaşla bağlı sümük itkisi.

Nə vaxt lazımdır?

• Sümük implant üçün çox nazik və ya alçaqdır.
• İmplant gələcək dişə görə düzgün mövqedə yerləşə bilmir.
• İmplantın ətrafında nazik sümük divarı qalır. Belə divar zamanla əriyə bilər, diş əti çəkilər və implantın metal hissəsi görünər. Bu həm estetik, həm də gigiyenik problemə çevrilir.

Üsullar

• Yönləndirilmiş sümük regenerasiyası: sümük materialı (pasiyentin öz sümüyü, allogen və ya ksenogen material) membranla örtülür.
• Horizontal və vertikal augmentasiya: darağın eninin və ya hündürlüyünün artırılması.
• Alveolyar darağın splitinqi: ensiz darağın uzununa genişləndirilməsi.
• Sümük bloklarının köçürülməsi: böyük defektlərdə.
• Sinus-lifting: yuxarı çənənin arxa hissəsində. Ayrıca səhifə: Sinus-lifting.
• Yuvanın qorunması (konservasiyası): çəkimdən dərhal sonra yuvanın sümük materialı və ya PRF ilə doldurulması.
• PRF / A-PRF və «sticky bone»: pasiyentin öz qanından alınan fibrinin sümük materialı ilə birlikdə istifadəsi.

Eyni seansda, yoxsa mərhələli?

Mümkün olduqda implantasiya və sümük plastikası eyni seansda aparılır ki, pasiyent uzun müddət dişsiz qalmasın. İmplantın ilkin stabilliyi təmin oluna bilmirsə və ya defekt böyükdürsə, əvvəl sümük bərpa olunur, implant sonra yerləşdirilir.

Sağalma

Əməliyyat yerli anesteziya altında aparılır. İlk günlərdə şişkinlik və ağrı ola bilər. Sümük materialının yeni sümüklə əvəzlənməsi bir neçə ay çəkir, bir çox hallarda 4–6 ay, mürəkkəb hallarda daha uzun. Bu dövrdə həkimin tövsiyələrinə əməl etmək, siqaretdən və nahiyəyə təzyiqdən çəkinmək vacibdir.

Nəticə nə verir?

Sümük plastikası implant üçün dayaq yaradır. İmplantlar üzərində dişlər bərpa olunduqdan sonra dodaq və yanaq dəstəyi, çeynəmə və nitq funksiyası yaxşılaşa bilər.