Vinir dişin ön səthinə yapışdırılan nazik keramik və ya kompozit lövhədir; qalınlığı çox vaxt 0,5 mm civarındadır. Dişin formasını, ölçüsünü, rəngini dəyişməyə və kiçik nizamsızlıqları düzəltməyə imkan verir. Diş əti xəstəliyi, bruksizm, böyük plomblar və zərərli vərdişlər olduqda tövsiyə olunmur.

Hansı hallarda vinir uyğundur?

Dişin formasını dəyişmək lazımdır: çat, qırıq, aşınma.
Dişin rəngini dəyişmək lazımdır: anadangəlmə və ya sonradan yaranan rəng dəyişiklikləri.
Diş sırasının formasını düzəltmək lazımdır: aralı dişlər, qısa dişlər, minimal əyrilik.

Ön dişlərdə çat və ya zədə olduqda vinir qoruyucu konstruksiya rolunu da oynaya bilər.

Hansı hallarda vinir uyğun deyil?

Dişlərdə böyük defektlər və ya böyük plomblar.
Bruksizm (diş qıcırdatma).
Zərərli vərdişlər: dırnaq yemək, tum çırtlamaq və s.
Pis ağız gigiyenası.
Diş əti problemləri: gingivit, paradontit.

Keramika, yoxsa kompozit?

Keramik vinirlər quruluşu və rəngi ilə təbii dişə daha yaxındır və diş toxumasına yaxşı yapışır. Kompozit vinirlər daha sadə üsuldur, bəzi hallarda, məsələn, kiçik diastemada uyğundur.

Necə hazırlanır?

Müayinə: vinir yalnız sağlam dişə qoyulur. Lazım olduqda rentgen müayinəsi aparılır.
Dişin səthi minimal yonulur. Vinirlər digər ortopedik konstruksiyalardan daha az invazivdir.
Ölçü və ya rəqəmsal skan alınır, iş laboratoriyaya göndərilir.
Vinir ağızda yoxlanılır və lazım olduqda düzəldilir.
Vinir dişə bərkidilir.

Vinir yüksək peşəkarlıq tələb edən işdir. Onu təcrübəli həkimə həvalə edin.